Народный семейный ансамбль «Сваякі»

Творчая дзейнасць народнага сямейнага ансамбля ”Сваякі“ накіравана на папулярызацыю народнай песні Гродзеншчыны, захаванне сямейных каштоўнасцяў, зберажэнне і прапаганду культурнай спадчыны Беларусі. Яны шануюць і захоўваюць традыцыі продкаў не толькі ў песеннай творчасці. Удзельнікі калектыву прымалі ўдзел у гістарычна-кулінарным шоу “Беларуская кухня”, дзе дэманстравалі працэс прыгатавання такіх мясцовых старажытных страў, як: “Бонды на дубовых лістах”, “Лешч у гарчыцы”. У лістападзе 2020 года разам з Ларысай Мятлеўскай у эфіры гістарычна-кулінарнага шоу “Беларуская кухня”, Марыя Бачынская і Алена Навіцкая гатавалі “Багатыя бонды” і “Мешанку”.
Выканаўчае майстэрства калектыву адрозніваецца высокім узроўнем, вакальна-тэхнічнымі, мастацкімі, выразнымі магчымасцямі гучання. Народны сямейны ансамбль “Сваякі” у 2017 годзе заняў першае месца сярод 10 ансамбляў Беларусі ў фальклорным телевізійным праекце “Хата на хату”.
Па выніках этнаграфічных і фальклорных экспедыцый кіраўнік ансамбля і яго ўдзельнікі стварылі музей народнага побыту “Матчына хатка”. Гэты музей налічвае больш за 150 экспанатаў,  у тэлеконкурсе “Хата на хату” калектыў атрымаў дыплом “За лепшы сямейны музей”. У 2017 годзе была створана музейная экспазіцыя народнага сямейнага ансамбля “Сцяжынкі жыцця “Сваякоў”.
У 2017 годзе калектыў удзельнічаў у раённым фестывалі “Картофельная карусель” у аграгарадку Вялікае Сяло Свіслацкага раёна, у 2018 годзе – у фестывалі жывой музыкі “Поразаўскія сустрэчы” у г.п. Поразава Свіслацкага раёна, у духоўна-свецкім фестывалі “Пагранічны звон” у аграгарадку Пагранічны Бераставіцкага раёна.
Унікальным аўтарскім праектам стаў раённы фестываль-конкурс сямейнай творчасці “Сваякі запрашаюць”, які  аб’ядноўвае творчыя сем’і Ваўкавыскага раёна і праводзіцца ў Доме культуры аграгарадка Юбілейны з 2018 года.
За значны ўклад у захаванне, развіццё і папулярызацыю беларускіх традыцый сямейнай аматарскай творчасці народны сямейны ансамбль “Сваякі” быў прадстаўлены да прысуджэння спецыяльнай прэміі Прэзыдэнта Рэспублікі Беларусь  2019 года ў намінацыі ”Народная і аматарская мастацкая творчасць“.
У верасені 2019 года ў г. Слоніме адбыўся абласны конкурс ансамбляў музыкі і песні, ансамбляў народнай песні, дзе “Сваякі” атрымалі  дыплом лаўрэата II ступені ў намінацыі “Дарослы ансамбль беларускай музыкі і песні”.
16 лістапада 2019 года выйшла праграма з удзелам “Сваякоў” “Жывая культура” з назвай “Ваўкавыскі традыцыйны каравай”.
У 2020 г. калектыў адзначаны ганаровай граматай аддзела культуры Ваўкавыскага раённага выканаўчага камітэта за ўдзел у абласных конкурсах, актыўную канцэртную дзейнасць у рамках акцыі «Майстры творчасці з паклонам Гродзенскай зямлі».
18 чэрвеня 2021 г. народны сямейны ансамбль “Сваякі”  прыняў удзел  у фальклорным свяце «Стародворецкая Сёмуха гудит на всю околицу», які  праходзіў у аг. Стары Дворац Бераставіцкага района. 
20 верасня 2021 г. народны сямейны ансамбль “Сваякі” прыняў удзел ва ўрачыстым канцэрце, прысвечаным Дню народнага адзінства, які праходзіў на сцэне стадыёна «Мінск-Арэна» (г. Мінск).
30 чэрвеня 2022 г. народны сямейны ансамбль “Сваякі” прыняў удзел у выставе-кірмашы дэкаратыўна-прыкладнога мастацтва “Горад майстроў” у рамках IX форума рэгіёнаў Расіі і Беларусі (г. Гродна).
У жніўні  2022 г. народны сямейны ансамбль “Сваякі” прыняў удзел у вячэрнім шоу Андрэя Малахава  «Привет, Андрей!»  (г. Масква).
20 жніўня 2022 г. на каравай-фэсце «Бацькава булка» удзельніца народнага сямейнага ансамбля “Сваякі” Марыя Бачынская на  конкурсе-выставе вырабаў дамашняга печыва сярод аматараў «Матулiна булка» ўзнагароджана спецыяльным прызам  у намiнацыi  “Вкус детства” (г. Свіслач).  
01 кастрычніка 2022 г. на свяце “Дажынкі-2022” у Вялікай Бераставіцы ўдзельніца народнага сямейнага ансамбля “Сваякі” Марыя Бачынская ў iмправізаванай этнагасцеўнi частавала гасцей свята традыцыйным  пачастункам «Вясельныя шышкi».
Народны сямейны ансамбль «Сваякі» увесь час вядзе актыўную канцэртна-гастрольную дзейнасць. Выступае з канцэртамі і асобнымі нумарамі на мерапрыемствах горада і раёна, на прадпрыемствах, у месцах адпачынку жыхароў і гасцей горада, а таксама ў маленькіх куточках нашай Радзімы, – вёсачках. Так, за апошнія тры гады  калектыў паказаў для насельніцтва больш за 200 канцэртных праграм: «Вас вітаюць Сваякі!», «Сваякі запрашаюць!», «Радзіме дарагой прысвячаецца!», «Мы вітаць вас сёння рады!», «От чистого сердца!», «Квітней, мой любы край!» і інш.
На сённяшні дзень сямейны ансамбль “Сваякі” жыве паўнавартастным творчым жыццём і радуе гледачоў сваімі выступленнямі. Адной з самых большых яго годнасцей – гэта стабільнасць і тэндэнцыя да росту.
22 лютага 2001 года калектыву прысвоена найменне “народны”, загад Міністэрства культуры № 2 п.8
2019 г. – спецыяльная прэмія Прэзыдэнта Рэспублікі Беларусь “за духоўнае адраджэнне” (г. Мінск);
2021 г. – падзяка за ўдзел у фальклорным свяце “Старадварэцкая Сёмуха гудзе на ўсю ваколіцу” (аг. Стары Дворац Бераставіцкага раёна);
2021 г. – дыплом Ваўкавыскага раённага выканаўчага камітэта “лепшы сямейны ансамбль” па выніках раённага агляду-конкуру “Беларусь – мая песня”.
Пастанова калегіі ўпраўлення культуры Гродзенскага абласнога выканаўчага камітэта ад 26 снежня 2023 г.  Аб пацвярджэнні найменняў «народны» («узорны») аматарскімі калектывамі мастацкай творчасці Гродзенскай вобласці.