Народны ансамбль беларускай песні “Медуніца”  быў створаны ў 1989 годзе, а ў  1998 годзе ансамбль народнай песні “Медуніца” атрымаў найменне “народны”. Мастацкімі кіраўнікамі за час існавання калектыву былі: Дудзінскій Дзмітры Паўлавіч, Мацяс Міхаіл Сяргеевіч, Мазец Сяргей Іосіфавіч. На цяперашні час пасада кіраўніка калектыву вакантная. Акампаніятарам з’яўляецца Шніп Іван Марьянавіч.

Вакальны калектыў дзейнічае пры філіале “Вярэйкаўскі Дом культуры” з 1980 года. Гэты калектыў быў створаны як харавы, і на працягу многіх год паспяхова выступаў на розных пляцоўках горада і раёна, а таксама ў аграгарадку Вярэйкі.

Драматычны калектыў “Скрыжаванне” быў створаны на базе Роскага Дома культуры ў чэрвені 1987 года. Сваю дзейнасць пачаў з паказу гледачам невялікіх інсцэніровак, сцэнак і ўрыўкаў з п’ес. Нязменным кіраўніком калектыву з пачатку яго стварэння з’яўляецца Семяняка Ірына Антонаўна.

У 1999 годзе пры Ваўкавыскім раённым метадычным цэнтры аддзела культуры Ваўкавыскага раённага выканаўчага камітэта была створана школа культарганізатараў, удзельнікамі якой былі культарганізатары раёна. Пры гэтай школе раз у год праходзіў раённы агляд-конкурс культарганізатараў. З цягам часу школа культарганізатараў дасягнула таго ўзроўню, калі можна была прытэндаваць на атрыманне наймення “народны”. Такім чынам, у 2012 годзе на базе Ваўкавыскага раённага метадычнага цэнтра школа культарганізатараў была перайменавана ў тэатр-студыю гульні “Ваўкавыскія забавы” і атрымала найменне “народны”. Калектыў заўсёды быў запатрабаваны нават тады, калі змяняліся кіраўнікі. З 2022 года кіраўніком калектыву з’яўляецца Крывіцкая Вікторыя Антонаўна.

Народны фальклорны гурт “Чараўніцы” быў створаны на базе Мацвееўскага цэнтральнага Дома культуры аддзела культуры Ваўкавыскага райвыканкама ў сакавіку 1972 года. Ідэя аб’яднаць аматараў фальклору ў аўтэнтычны фальклорны гурт належала тагачаснаму дырэктару ЦДК Прохару Міхаілу Антонавічу, пад кіраўніцтвам якога фальклорны гурт працаваў да 1999 года. З 1999 года абавязкі кіраўніка фальклорнага гурта “Чараўніцы” і да цяперашняга часу ўзяла Талашка Надзея Аляксеяўна.

Узорны фальклорны гурт “Чобаты” заснаваны ў 2001 годзе Андрушка Ілонай Віктараўнай. Ў 2005 годзе калектыву было дадзена найменне “узорны  аматарскі калектыў”. З 2017 года кіраўніцтва гуртом ажыццяўляе Шаракова Жанна Міхайлаўна.