«Калядныя калядкі».

У чароўную пару зімовых святаў, калі ноч становіцца даўжэй, а зоркі свецяць ярчэй, у горадзе Ваўкавыску ажываюць старажытныя традыцыі. Адной з самых яркіх і радасных з'яўляецца калядны абрад «Калядныя калядкі». Сёння ўзорны фальклорны гурт «Чобаты» Ваўкавыскага раённага цэнтра культуры, прыбраўшыся ў яркія касцюмы, маскі і шапкі, адправіліся па дамах з калядкамі. У іх руках — зорачкі, якія сімвалізуюць калядную зорку, і прысмакі, якія яны збіраюць падчас свайго падарожжа. З кожным крокам, з кожнай калядкай яны прыносяць радасць і шчасце ў дамы, дзе іх сустракаюць з усмешкамі і пачастункамі.